คำไหว้ปาระมี ๙ จั้นของครูบาเจ้าศรีวิชัย
สาธุ สาธุ พระปั๋ญญาป๋าระมี ๓๐ ตั๊ด สาธุพระปั๋ญญาป๋าระมีวัดแวดล้อม วิริยะป๋าระมีล้อมระวังดี สีละป๋าระมีบังหอกดาบ เมตตาป๋าระมีผาบแป้ตังปื๋น ทานะป๋าระมีหื้อเป๋นผืนตั้งต่อ อุเปกขาป๋าระมีหื้อก่อเป๋นเวียง สัจจะป๋าระมีแวดระวังดีเป็นไต้ ขันตี๋ป๋าระมีก๋ายเป็นหอกดาบบังหน้าไม้และปื๋นไฟ อะธิฏฐานป๋าระมีผันผาบไปจุ๊แห่งแข็งๆแรงๆ ผาบฝูงหมู่มารผีสางพายเผต ทุกทวีปภพถีบปังป้ายหนี นางธรณีอัศจ๋รรย์ โสเสมือนผันอยู่คว้างคว้าง น้ำนทีนองกว้างต่อกว้างแตกตี๋ฟอง นะนองนะนอกเป็นข้าวตอกดอกไม้ ถวายปูจาพระแก้วแก่นไท้สะธัน พระพุทธังเอย...จุ่งมาผายโผด อนุญาตโต้ษโผดผู้ข้าแต๊ดีหลี นางแม่ธรณีออกมารีดผมอยู่ตี้ธาตุ จ้างฮ่ายค่ายคะจัง งาสับดินพ่นน้ำนทีลง ผัดผายคอพายหัก ต๊บต้าว พญามารอ่าวปูนกั๋ว กราบยอมือขึ้นทูนหัวใส่เก้า ผู้ข้านี้จื้อว่าลูกศิษย์พระพุทธเจ้าต๋นมีบุญสมปารอันมาก พระพุทธเจ้าจึ่งจักตั้งพระ ปั๋ญญาป๋าระมีไว้ ๙ จั้น ตั้งไว้ตางหน้าก็ได้ ๙ จั้น ตั้งไว้ตางหลังก็ได้ ๙ จั้น ตั้งแต่หัวแผวตีนก็ได้ ๙ จั้น ตั้งแต่ตีนแผวหัวก็ได้ ๙ จั้น แสนว่าลูกปื๋นจักมาเสมอเหมือนดังฝนแสนห่า ก็บ่มีจักมาใกล้ได้ ข้าพเจ้าเลยได้ไหว้ว่า พุทธะกุณัง ธัมมะกุณัง สังฆะกุณัง พุทธะอินตา ธัมมะอินตา สังฆะอินตา อัสสะอับ อันแม่ธรณีผู้อยู่เหนือน้ำอยู่ก้ำแผ่นดิน กันข้าได้ระลึกนึกเถิงยังกุณพระพุทธะเจ้า กุณพระธรรมะเจ้า กุณพระสังฆะเจ้า กุณพระปิตา กุณพระมารดา คุณครูบาอาจารย์ กุณแก้วเจ้าตังสามผะก๋าร กุณพระพุทธัง กุณพระธัมมัง กุณพระสังฆัง กุณแดด กุณฝน กุณน้ำ กุณลม กุณไฟ กุณกุสลราศีเจ้าก็ดี กุณพระเจ้าภาวนาก็ดี กุณนางธะราก็ดี กุณพระปัจจเจกเจ้าก็ดี กุณนางแม่ธรณีเจ้าก็ดี ขอจุ่งมาฮักษาก้ำหน้าก้ำหลัง ยังต๋นตั๋วแห่งข้า ในค่ำคืนวันนี้ จิ่มแด่เต๊อะ
พุทโธ พุทธัง อะระหัง ธัมโม ธัมมัง อะระหัง สังโฆ สังฆัง อะระหัง พุทโธ พุทธัง ฮักษา ธัมโม ธัมมัง ฮักษา สังโฆ สังฆัง ฮักษา พุทโธ พุทธัง กัณหะ ธัมโม ธัมมัง กัณหะ สังโฆ สังฆัง กัณหะ อายุ วัณโณ สุขัง พะลัง นะสากาเส อุรุอากัง มาติ ปิตตั๋ง จาติขันธัง มัจจุราจา นะกะรันติ.
